Gott að vita

Eina sem þú þarft að gera er að velja þá þjónustu sem þú ert að leita að, fylla út upplýsingarnar sem við þurfum í bókunarforminu, senda á okkur og við sendum þér síðan tölvupóst með tilboði eins fljótt og unnt er. Við tökum við bókunum alla virka daga frá 09-16. Þú getur einnig sent okkur tölvupóst.

Bókanir fara í gegnum bókunarkerfi á heimasíðu okkar. Í kjölfar bókunar sem Trúbbi móttekur sendir Trúbbi frá sér tilboð í tölvupósti. Þegar þjónusta hefur farið fram fær kaupandi greiðsluseðil sendan í heimabanka þar sem gjalddagi er settur 7-14 dögum síðar.

a) Bóka tímanlega: Við mælum eindregið með því að bóka þjónustu hjá okkur tímanlega til þess að dagsetning og tímasetning sé örugg fyrir þig og draga úr þeirri hættu að dagsetning þín sé fullbókuð. Hins vegar vinnur Trúbbi þannig að hægt sé að hagræða tímasetningum eftir bestu getu fyrir báða aðila.

b) Tími bókana: Þegar bókun hefur átt sér stað og tímasetning (dagsetning + frá og til klukkan) verið ákveðin milli kaupanda og Trúbba þá gildir sú tímasetning. Tónlistarmenn Trúbba mæta tímanlega svo þeir geti hafið flutning á umsaminni tímasetningu. Það er morgunljóst og eðlilegt að tafir geta átt sér stað í veislum en hjá Trúbba höfum við svigrúm fyrir allt að 15 mínútna töf gerist þess þörf. Allar tafir fram yfir það dragast frá umsaminni lengd bókunarinnar. Athugið, gerist þess þörf er lykilatriði hér því tími allra er okkur mikilvægur.

c) Svörun bókana: Við hjá Trúbba reynum að svara aðsendum bókunum eins fljótt og hægt er eftir að við höfum móttekið þær en svartími miðast við 12-24klst. Ef bókunin er þess eðlis að Trúbbi þarf að skoða gistingu og fararmáta að þá getur svörun tekið lengri tíma.

Ákveði kaupandi af einhverjum ástæðum að hætta við bókun áður en þjónustan er unnin af hendi þá gilda afbókunarskilmálarnir okkar en þá má finna í skilmálar. Ef þörf er á því að breyta dagsetningu á bókun hafðu þá samband við okkur eins fljótt og unnt er og við reynum að finna út úr því en eðli þjónustunnar vegna er ekki hægt að setja niður ákveðinn ramma varðandi lausnir með það.

Þeir tónlistarmenn og skemmtikraftar hjá Trúbba og sem Trúbbi sendir frá sér eru allir vanir, reynslumiklir og þaulvanir bransanum.

Verð er breytileg eftir umfangi viðburða, eðli þeirra, staðsetningu, lengd og fleira. Þar af leiðandi getum við ekki haldið utan um verðskrá á vefsíðu okkar. Við tryggjum samt sem áður sanngjarnt verð fyrir okkar þjónustu.

Tónlistarmenn frá Trúbba koma sjálfir með litla meðfærileg magnara/hljóðkerfi sem þeir spila í gegnum sem virkar fyrir heimahús og litla sali og miðast við fyrir allt að 50 manns. Hljóðkerfið er ekki ætlað fyrir stóra sali. Ef viðburðurinn sem um ræðir er í stóru rými þurfum við að spila í gegnum stærra hljóðkerfi. Við erum með stærri hljóðkerfi sem við getum mætt með á viðburðinn (Við setjum upp, hljóðprufum og göngum frá).

Enginn viðburður er eins og því er mikilvægt að það komi skýrt fram í fyrirspurninni hverju er verið að óska eftir þjónustu okkar í. Til dæmis þá er ekki í lagi að bóka venjulegt trúbb frá okkur og síðan kemur trúbbinn á svæðið og um er að ræða brúðkaupsveislu sem felur sér annars konar undirbúning og fínni klæðaburð til dæmis.

Ef staðsetning viðburðar er utan höfuðborgarsvæðis og bókun þess eðlis að hún krefst ferðaáætlunar s.s. fararmáta, gistingar og uppihalds bætist sá kostnaður við tilboðið frá Trúbba.

Í brúðkaupsþjónustu okkar er um sérstök tilefni að ræða sem kalla oftar en ekki á það að viðskiptavinur er með ákveðið lag/lög í huga. Einnig getum við tekið að okkur óskalög í fyrir trúbbastemninguna. Að gefnu tilefni getur Trúbbi ekki tryggt að hægt sé að læra hvaða lag sem er fyrir hvaða tilefni sem er en við gerum hins vegar okkar allra besta til þess að verða við beiðnum.